Mujtahid ki Tauheen par Federation khamosh kyu?

Kuch dino pehle Ek Aalim ki tauheen ka bahana bana kar apni siyasi rotiya sekne wale Federation ke ahalkar aaj Ek Azeem Mujtahid Ayatollah Khamenei aur Mujahid Fi Sabilillah Syed Hasan Nasrallah ki tauheen par khamosh baithe hue hai.

Na khud Federation se koi letter baazi hui aur na unki member Jamato se kisi tarah ka khat aaya. Sawal yeh hai ki aisa kyu?

Mulk bhar me apni pakad banane ke firaq me lage Rangeele VP sahab ne pressure kar ke aur jamat progress fund ka lalach de kar Jamato se pichle case me condemnation letters to issue karwa liye the kyuki waha unki personality mazboot ho rahi thi.

Lekin jab baat asli mazhabi shaksiyat par aai to Rangeele VP sahab ghoshanasheen (gharo me baithe)  nazar aae.

Jab kisi ne un Jamato se letter issue karne ko kaha jinhone Rangeele VP ke bolne par pehle letters issue kiye the to wo log baukhlaae hue nazar aae. Unke liye sawal ye tha ki Rangeele VP ki maane ya Deeni shaksiyato ke liye awaaz uthae.

Lekin Rangeela VP to apni seat bachane ke liye aur Mujtahedin ki tauheen karne walo ke vote hasil karne ke liye khamosh tha aur uski pittu jamate VP sahab se koi order na milne ki bina par khamosh thi.

- Sawal ye hai ki Federation kis liye bana hai?
- Rangeele logo ko Ummat par thopne ke liye ya phir Deen aur Ummat ke liye kaam karne ke liye?

Agar Federation ke Vision me Deen nahi hai to Ummat ko aise Federationo ko ukhad bahar fekna chahiye aur apni baagdor Mazhabi Olema ke supurd kar deni chahiye.

Read More

Rangeele VP ka Maulana Prem - Kya Sach kya Jhoot

Shahar me pichla Muharram sab ko yaad rahega jab khule aam awaam ko bula kar  VP Sahab ne apni fikr se alag Olema Hazraat par apni milkiyat wali Masjido me majlis padhne par pabandi laga di.

Ab kehte hai na:

Boe ped babul ka...
To Aam kahan se hoe?
(बोए पेड़ बबूल का...
तो आम कहाँ से होए?)

Ye baat sach sabit hui. Awaam bechari ki nazro me Olemao ki izzat kam kar di gai.

Kuch malango ne Mujtahedin par lanat malamat ki.. kuch shaaero ne olemao ke khilaaf ashaar gad diye... Kuch log sadko par Olemao ki badtamizi karne lage.

Lekin aag to apne ghar ki Shadiyon me Naach Gana karne wale Rangeele VP sahab ne lagai thi na..

Waise VP sahab ka Federation aajkal  idhar udhar letter baazi karne me mahir hota ja raha hai.

Canada ki jamat ke Secretary ke ghar me unnatural same sex marriage hua.. VP sahab ne letter issue kiya ki haram kaam hua hai, Jamat ko resign karna chahiye.

Apne mulk ki ek jamat ke bahar kisi aam shaks ne masjid ke bahar ek aalim se bad kalami kar di... VP sahab ne aalim ki izzat ka sawal utha kar Jamat se resignation maang liya.

Agar VP sahab ka dil sahi me jal raha hai to apne ghar me hue gaane bajane par resign kyu nahi kiya?

Aalim ki izzat pyari hai to 4 Aalim aur 1 Aalima par jab bhari meeting me gali galoch ke bich awaam ke haatho pabandi lagai tab kyu resign nahi kiya?

Magarmachchh ke aasu bahana, letter baazi karna aur muddo se logo ka dhyan hathana to koi VP sahab se sikhe.

Lekin sawal ab bhi baaki hai.. Bedeen aur Rangeele VP sahab ka aur unki team ka resignation kab?

Read More

Rangeela VP aur Rangeeli Secretary: Khoja Community me Gay wedding

Kuch mahino pehle khabar aati hai ki humare shahar ke VP sahab ke ladke ki shadi me naach gana hota hai aur uske photos / videos social media par viral ho jaate hai. Log is harkat ko condemn karte hai lekin VP sahab aur unki DiVision team ise personal life ka matter bata kar logo ko shant kar dete hai.

Read More

Khawarij ideology ne Imam ALI (as) ki jaan li

Imam Ali (as),  k jinhone jung e Siffeen k maidan me dushman ki eit baja dee thi unhe khawaarij ideology ne peeche hatne per majboor kar diya aur yehi ideology unke qatl ka b sabab bani.

Khwaarij ideology dushman se zyada nuksaan deh hai.

Jo kaam dushman na kar saka (Imam Ali (a) ka qatl) wo is ideology k maanne waalo k zariye hua.

Khwaarij wo tola tha jo na muaviya ko sahi maanta tha na Maula Ali (a) ko.

Khawaarij muaviya k bhi dushman the aur Ali (a) k bhi, unhe to bas apni tilawat o munajaat per fakhr tha aur kehte k ye dono galat aur hum sahi aur humme se har ek qaari e Quran hai yaani deen hume in dono (muawiya aur Ali a.) se behtar pata hai.

Ye ajeeb ideology aaj humaare muashre me b maujood hai.

Jo dushman k kaam ko asaan kar deti hai hatta dushman se zyada khatarnaak saabit hoti hai.

Hum me aise bohot log mil jaenge jinka ye nazariya hai k maraje ki mukhalifat Karne waale b galat aur maraje ki pairwi karne waale b galat aur hum hi hai jo deen ka behtareen ilm rakhne waale hai.

Inko chahiye k fursat se dono ki taalimaat ko dekhe padhe aur samjhe k kaunsi raah Hukumat e Imam Mahdi (atfs) se qareeb hai. Khawaarijo ki tarah confuse hokar Ali se jung karke muawiya ko support na kare.

Khudaya hume haq o baatil ki pehchaan karne ki taufeeq ataa farma.

Read More

Kya Ali aaj bhi tanha hai?

1400 baras beet gae..
Kya Ali aaj bhi tanha hai?

Dushman raahe Ali (a) me mushkilaat paida kar raha tha; lekin duniya wale Ali (a) ko madad karne ki jagah Ali (a) par shak karne me lage the.

Ali (a) akele tanha the.

Ali (a) ki apne Dushmano se jo jang thi,
wo sachchai aur haq ki jang thi, batil ke muqable me. Duniya walo ne haq par apni khwahishon ko zyada tarjeeh di aur Ali par shak kiya.

Ali akele tanha the.

Dushmano ne Ali (a) ke muqable me har fard ko jama kiya. Ya to Ali (a) se ladne ke liye ya to Ali (a) se dur rehne ke liye. Haq saaf nazar aa raha tha.. lekin duniya parasto ne Haq ko nahi pehchana aur Ali (a) ko akele chhod diya.

Ali (a) akele tanha the.

Kya aaj ham nahi dekh rahe.. duniya wale phir se giroh dar giroh jamat bandi kar rahe hai. Ali (a) ke chahne wale bande jiska naam bhi Ali (Syed Ali Khamenei) hai uske khilaaf safbandi ho rahi hai lekin phir bhi duniya parast log is Ali par bhi shak kar rahe hai aur ise Dushman ke saamne tanha chhod kar bhag rahe hai.

Kya Ali aaj bhi tanha hai?

Waqt sabhi bhagne walo se sawaal kar raha hai.

Waqt un logo ko bhagne walo ke saamne namuna aur misaal bana kar saamne rakh raha hai jinhone Ali (a) ka saath diya aur apni jaane Ali (a) ke saath milkar Dushman ke khilaaf ladte hue qurbaan kar di aur shaheed ho gae.

Unka naam aaj bhi zinda hai aur Allah ne unhe azeem maqam ata farmaya.

Jin logo ne apni jaan bachai aur Ali (a) ko tanha chhod diya.. wo zaleel hue aur waqt ne unse har tarha ki nemat chhin li.

Ali (a) ko tanha chhodne wale kamyaab nahi hue.

Lekin phir bhi Ali aaj bhi tanha hai.

Aaj hamare saamne waqt phir se khada hai. Ali (a) ka chahne wala Syed Ali Khamenei Dushmano se lad raha hai aur akela khada hai. Hamare saamne wale us par lanat malamat kar rahe hai. Hum kya kar rahe hai?

Kya Ali aaj tanha hai?

Hamare hote hue Ali tanha nahi reh sakte.. apni awaaz buland kare aur har tarah se apne zamane ke Ali ka saath de aur sabit kare...

HAM KUFE WALE NAHI HAI
ALI AAJ TANHA NAHI HAI.

Read More