Aashur ko Mumbai me "Taboot" to nikal gaya lekin...

Traditional Taziya of India

COVID-19 ki guidelines ka bahana bana kar Azadaro ko apne mazlum Imam (a) par dil khol kar rone tak na diya gaya aur sadiyo se jo Manzar saatvi Muharram se lagataar roze aashur aur shaame gariba tak dikhaai dete the, uski jagah sadko par sannata tha.

Imambargaahe aur Azadari ke markaz sune reh gae aur Momeneen ke dil tute hue apne Maula (a) ke masaeb par akele me rone par majboor hue. Ba-Khuda, ye Muharram hamesha yaad rahega aur Azadarane Syyad-ush-Shohoda (a) puri koshish karenge ki aaj se jitna ho sake apne Maula (a) ki azadari har tarah, har haal me ittefaq aur aapsi bhaichare ke saath mil kar pure josh-o-kharosh se aur zyada taqat o quwat ke saath karenge.

Bombay High Court ne 5 logo ko symbolic tarike se "Taziya" nikaalne ki ijazat de di aur "Idara-e-Tahaffuz-e-Hussainiyat" ko ye "Taziya" le jaane ki zimmedari saupi aur saath ye bhi kaha ki Maharashtra ke tamam Muhibbe Imam Hussain (a) ki taraf se Aashura 2020 me sirf ek "Taziya" nikala jaaega.

Isme koi shak nahi ki "Idara-e-Tahaffuz-e-Hussainiyat" ke liye ye fakhr ke saath saath zimmedari ka bhi maqam tha. Zimmedari is baat ki ke wo is baat ka khyal karte ki Taziya is tarah se nikaale ki is sirf Mumbai ke Shio ke jazbaat ka khyal na rakhte hue saare Maharashtra ke har us shkas ka bhi khyal rahe jise Imam Hussain (a) se Muhabbat hai.

Maharashtra me sirf Shia hazraat Muharram ka juloos nahi nikaalte, Aashur ke din Shia ke saath Sunni, Hindu, Buddhist aur digar mazhab ke manne wale bhi Imam Hussain (a) ki yaad manate hue "Taziya" nikaalte hai. Maharashtra me bahot si Shia jamate bhi hai jo aaj bhi "Taziya" nikaalte hai. Aashur ka "Taziya" itna mashhoor hai ki Bombay High Court ne "Taziya" nikaalne ki ijazat di, na ki "Taboot".

"Idara-e-Tahaffuz-e-Hussainiyat" ko "Taziye" se kya pareshani thi wo to unke arakeen ko hi pata hoga lekin "Taziya" sirf Shia nishani nahi balki saare insano me "Imam Hussain (a)" se jise bhi ulfat hai wo "Taziye" ko dekh kar Karbala ke Haram e Imam Hussain (a) ko yaad karta hai wo apne dil me girya karta hai.

"Idare" ne "Taziye" ki jagah "Taboot" nikaal kar na sirf Maharashtra ke Muhibbe Imam Hussain (a) ke armaano ko thes pahuchaai hai balki Bombay High Court ke order ki bhi mukhalifat ki hai jisme saaf likha hai ki "Taziya" nikalne ki ijazat hai.

Isi ke saath jis truck par "Taboot" nikla gaya us ke saamne likha gaya tha "Maqsad-e-Karbala, Aliyun Waliyullah" jo sirf "Idaara-e-Tahaffuz-e-Hussainiyat" ki soch hai, Imam Hussain (a) ummat ki Islaah ke liye qayam kiya tha.

Isi ke saath jis truck par Taboot nikala gaya, kyu ek bhi Aalim-e-Deen ko saath me nahi rakha gaya? Jabke is saal Mumbai me lagbhag saare Olema maujood the?

"Taziya" nikaalne ki ijazat milne ke baad "Idare" ki zimmedari itni badi thi ki wo saare insaano ke jazbaat ka khyal karte hue Imam Hussain (a) ki Shahadat ki munasibat par saare Muhibbe Imam Hussain (a) ki niyabat me Aashur ka "Taziya" nikaalte, lekin afsoos itni badi zimmedari ko "Idara-e-Tahaffuz-e-Husainiyat" ne sirf apne "Idare" ke zaati faaede ko dhyan me rakh kar har kaam kiya.

"Idara-e-Tahaffuz-e-Hussainiyat" ko iska jawaab Janabe Fatima (sa) ko dena hoga aur Allah is zimmedari ko sahi se pura nahi karne par "Idaare" ke arakeen se sakht puch karega. Isi ke saath "Idaare" ke arakeen Muhhibe Hussain (a) ke bhi hamesha jawabdeh rahenge.

Read More

CAA (CAB) aur NRC ke chalte Ummat kya kare?

Jis din se BJP ki sarkar ka dusra session shuru hua hai, ummat e Muslima par jaise pareshaniyo ke pahad tod diye gae hai. Ek ke baad ek, nae nae bills pass karwa kar Ummat par apni jakad mazboot ki ja rahi hai.

Isme aisa kahi nahi hai ki ye musibat kisi ek firke par padh rahi hai, balki isme har wo insan ko pakda ja raha hai jo Musalman ho. Phir wo Kashmir me rehne wale ho jinhe Article 370 aur 35A ko abrogate kar ke pareshan kiya gaya, ya phir hindustan me rehne wala aam Musalman jise NRC ke chalte apne aaba o ajdad se rishta sabit karne ko kaha gaya.

Kuch log isme bhi sectarian point talash kar ke Shia, Bohri aur Sunni ka rang dene par tule hue hai aur chahte hai ki sirf unka firka bach jaae aur bakiya apne hisab se manage kare, jo ki is waqt me bilkul galat raahe hal hai.

Ummat e Muslima ko is mauqe ko ek opportunity ke taur par dekhna chahiye. Waise ye sab par zahir hai ki 15 karod Musalmano agar ek ho jaar to koi inhe pareshan nahi kar sakta lekin Ummat ko sirf Musalmano ki nahi balki humare pyare mulk Hindistan ke baare me sochna zaruri hai.

CAB (CAA) aur NRC laagu hone se sirf Musalman ka nuksan nahi balki saare Hindustaniyo ka nuksan hoga, jisme apne documents arrange karne se le kar detention center me daale jaane tak ka dar hai. Iske saath saath long run me Indian constitution par jo zarb lagegi wo kai saalo tak nahi durust ki jaa sakegi.

Isliye is unconstitutional law ke khilaaf muzahira karna har Musalman ka fairza hai. Aur is baat ko dusre gair Muslim bhaiyo aur behno tak pahuchana zaruri hai ki kaise ye sirf hame bhi nahi balki unke liye bhi khatarnaak sabit ho sakta hai.

Ek taraf jaha is qanun ke khilaaf awaaz uthane ki zarurat hai, wahi dusri taraf jo zaruri dastavez hame apne aap ko Indian Citizen batane ke liye zaruri hai usko jama karna aur mazboot karna bhi zaruri hai. Ye kisi ek fard ka kaam nahi hai balki har kisi ka kaam hai ki wo ek dusre ki madad kare aur jis tarah mumkin ho sabke dastavez mukammal kare.

Ye sirf isliye nahi hai ki hume BJP ki policies se dar lag raha hai balki dastavez ka mukammal hona humara bhi zaruri fariza hai.

Ummat ke zimmedaran ka fariza hai ki sabhi logo ke saath achcha taalmel banakar ek centralized database tayyar kare aur logo ki details ek mehfuz jagah par jama kar ke is azeem zakhire ko achchi tarah se istemaal kare.

Waise Ummat me bahot si baato par ikhtelaaf hai lekin aaj aisa waqt aa gaya hai ki hame saath milkar ladhne ki zyada zarurat hai. 

Is mauke ka fayeda uthate hue saath aae... Haath me haath daalkar kaam kare aur apna deeni, samaji aur hindustani hone ka fariza anjaam de.

Read More

Waseem Rizvi aur Shia Qaum

Hindustan ke State Uttar Pradesh me aaj Bhartiya Janta Party ki hukumat hai. Isi State me Shia aabadi ka bada hissa bhi rehta hai.

UP State ki history me Shia hukumat ka ek bada daur raha hai jiska markaz Lucknow aur atraaf ke ilaqon me tha. Isi wajah se Uttar Pradesh me Shia Waqf ki bahot si properties paai jati hai.

Shia Waqf properties ki dekh rekh ke liye sarkar dwara gathit Shia Waqf Board me Chairman ki post par Syed Waseem Rizvi appointed hai. In sahab par maazi me waqf property ke saath gadbadi karne ke mamle bhi darj hai. Isi wajah se Maulana Kalbe Jawad Sahab iske khilaf sarkar ko complaint kar chuke hai, lekin Sarkar ise hatane ka naam nahi le rahi hai.

Apne ghaflo aur ghotalo ko chupane ke liye Waseem Sahab aaj kal BJP ko lubhane wale bayanat de rahe hai jisme Ram Mandir nirman me Shia Waqf Board ki taraf se bayanat ke saath saath Hindustan me Madarso par pabandi laane jaise bayanat bhi shamil hai.

In bayanat ki wajah se sirf Shia Waqf Board ka naam hi kharab nahi ho raha hai balki puri Shia Qaum par aanch aa rahi hai.

Apne zaati mafaad ke liye Waseem Rizvi puri Shia Qaum ke naam par kichad uchaal raha hai.

Iske khilaaf Shia Olema ne milkar bhi awaaz uthai hai jinme Maulana Kalbe Jawad sb, Maulana Ahmed Ali Abedi sb, Maulana Hussain Mehdi Hussaini Sb, Maulana Taqi Agha Sb, Maulana Ghulam Mohammed Mehdi sb, aur digar Olema shamil hai.

Shia Qaum ke logo se guzarish hai ki Waseem Rizvi ke bayanat ki mazammat karte rahe, agar kisi ke zehan me ye khyal aae ki ye Shia Qaum ko represent kar raha hai to use batae ki iska Qaum se koi lena dena nahi hai aur awaam Olema ke saath mil kar khadi rahe, kahi aisa na ho ki Waseem Rizvi jaise bhediye humara naam le kar logo ko bewakuf banane me kamiyab ho jaae.

Shia Qaumi Halaat Channel
t.me/QaumiHalaat

Read More

Waseem Rizvi aur Shia Qaum

Hindustan ke State Uttar Pradesh me aaj Bhartiya Janta Party ki hukumat hai. Isi State me Shia aabadi ka bada hissa bhi rehta hai.

UP State ki history me Shia hukumat ka ek bada daur raha hai jiska markaz Lucknow aur atraaf ke ilaqon me tha. Isi wajah se Uttar Pradesh me Shia Waqf ki bahot si properties paai jati hai.

Shia Waqf properties ki dekh rekh ke liye sarkar dwara gathit Shia Waqf Board me Chairman ki post par Syed Waseem Rizvi appointed hai. In sahab par maazi me waqf property ke saath gadbadi karne ke mamle bhi darj hai. Isi wajah se Maulana Kalbe Jawad Sahab iske khilaf sarkar ko complaint kar chuke hai, lekin Sarkar ise hatane ka naam nahi le rahi hai.

Apne ghaflo aur ghotalo ko chupane ke liye Waseem Sahab aaj kal BJP ko lubhane wale bayanat de rahe hai jisme Ram Mandir nirman me Shia Waqf Board ki taraf se bayanat ke saath saath Hindustan me Madarso par pabandi laane jaise bayanat bhi shamil hai.

In bayanat ki wajah se sirf Shia Waqf Board ka naam hi kharab nahi ho raha hai balki puri Shia Qaum par aanch aa rahi hai.

Apne zaati mafaad ke liye Waseem Rizvi puri Shia Qaum ke naam par kichad uchaal raha hai.

Iske khilaaf Shia Olema ne milkar bhi awaaz uthai hai jinme Maulana Kalbe Jawad sb, Maulana Ahmed Ali Abedi sb, Maulana Hussain Mehdi Hussaini Sb, Maulana Taqi Agha Sb, Maulana Ghulam Mohammed Mehdi sb, aur digar Olema shamil hai.

Shia Qaum ke logo se guzarish hai ki Waseem Rizvi ke bayanat ki mazammat karte rahe, agar kisi ke zehan me ye khyal aae ki ye Shia Qaum ko represent kar raha hai to use batae ki iska Qaum se koi lena dena nahi hai aur awaam Olema ke saath mil kar khadi rahe, kahi aisa na ho ki Waseem Rizvi jaise bhediye humara naam le kar logo ko bewakuf banane me kamiyab ho jaae.

Shia Qaumi Halaat Channel
t.me/QaumiHalaat

Read More

IMAN EK QILA

Allah ne Nafse Insani ko gunahon se mahfooz rakhne ke lia panch forts banaye han. Ager insan in ki pasdari karega to Iblees us ke nafs ko uske iman ko koi nuqsan nahi pahucha sakta aur in Qilon ma insan sabr o qana-at ke zaria dakhil ho sakta ha. yeh panch security system han.

1-Wajibat:- jis ka kerna wajib aur terk kerna mujibe azabe Ilahi ha . Ager wajibat ki adaigi banda nahi kerta tu bandigi se kharij ho jata ha.

2-Mustahibbat;- jin ko anjam dene ma Allah ki janib se Ikramat aur be panah sawab han.  wajibat se bhi kai guna kahi 10 guna kahin hazar guna ziadah sawab ahadees ma bataaya gaye ham, lekin wajibat ke ada kerne ke bad werna kuch nahi milega. Maslan wajib namaz chor ker namaze shab parhe ya wajib roza chor ker mustaheb roza rakhe to koi sawab nahi milega. Mustaheb jan boojh ker terk kerna ma koi azab nahi.

3- Haram :- jinke kerne ka azab ha aur  jo jan bujh ker haram kare  woh Allah ka baghi hoga.

4- Makroohat:- wo amr jin ko Allah ki khushnoodi ke lia chorne ma sawab ha aur kerne ma koi saza nahi milegi bas iman ke derajat ma kami ho jayegi.

5-Mubahat :- ya halal jin ko kerna ya na kerna  ma koi sawab o gunah nahi
Allah ne Momin ke iman ki hifazat ke lia yeh panch qila ya security systems  banai han jinko Iblis ek ke bad ek torta ha lekin security systems ma momin ka 5 qilon ma pahla gate Mubah ya halal ka ha jahan se Shaitan use tor ker aage barhta jata ha yahantak ke usko bande hone se baher ker deta hai

1- Mubah . security system ka yeh qila ka pahla gate ha . hamko sabse pahle isi per pahre bithana ha Iblees yaheen se dakhil hota ha aur koi dusra rasta ha bhi nahi. Jisne is gate ko mahfooz rakha woh Allah ki Qurbat ma rahega aur uske Iman ka mayar bulandter hoga jiski Akhri had kulle Iman ki ha. Woh Qaba Qosain ki manazil ta ker leta ha . Hadeese Qudsi ma ha Ai bande tu mera ho ja ma tera ho jaoonga. Tu meri bandigi ker Ma tujhe apna jaisa bana doonga.

Bazahir Halal ya mustahebat insan ki zindagi ki Aasani ke lia han . lekin yahan insan ki will power ka imtihan hota ha. Mislan. Halal Rozi se halal khana mohayya kerke zindagi ki hifazat ke lia bhook mitana wajib ha. Insan Muraghghan qeemti laziz ghiza bhi kha sakta ha aur jow ki aisi sookhi roti jisko torna bhi mushkil ha . lazzaton ko chor ker islia khata ha, woh bhi itni ki jo zindagi ke lia zaroori ho. Yeh soch ker ki Allah ki makhlooq ma koi aisa na ho jisko khana na mila. Kapra aise pahne jisma pewand ke lia derzi ko dete hua sharm aaye . narm aaram deh bister ke badle boria jiska bister ho .

Wo yatimon ka sahara woh ghareebon ka sipar..

Arsh pe jiske qadam bori jiska bister !!

Yeh tu akhri had ha apne nafs per control kerna ki ab insan jitna ker le uske haq ma behter ha . yeh jan le ki Iblees isi derwaza ko sabse pahle torta ha. Maslan pahle insan lazeez khanon ka shoqeen hoga .

badmaza khana use pasand nahi aayenge . Lazzat ke lia woh makrooh se parhez nahi karega sochta ha koi gunah to ha nahi chalo khane ma kia herj. Iblees  Yahan Mubah ka derwaza insan ko lazzaton ma dal ker usae tor ne ke bad makrooh ka derwaza bhi tor deta ha. Du kamyabian usae mil gayeen ab woh haram ki taraf barhta ha . lazzaton ka aadi insan jab usae mohayya nahi ker pata to sabr o qana-at ka daman uske hath se chhootne lagta ha. Woh rishwat khori ghazb jaise gunah ya haram ma mubtila ho jata ha.

Aise insan ko jab kisi dawat ma bulaya jata ha tu uski aankhen band ho jati han woh yeh nahi dekh pata ke bulane wale ka paisa halal ha ya haram kamai ka ha ya kisi ka ghazb kia hua paisa to nahi ha, woh to lazzat ki lalach ma barh barh ke hath barhata ha .jaisa ki Hazrat Ali As ne Apne governo ko khat likha tha ki hamko maloom hua ha ki tumna ek aise Raees ki dawat qubool ki jahan ameer bulae jate han ghareeb bhagae jate han. Aur tum barh barh ker lazeez khanon se apna shikam bhar rahe tha .

tafseeli khat Nahjul balgha ma maktoobat ma mil jayeha. Isee tarah malboosat ma insan luxurious ho jata ha silk haram ha gold haram ha phir bhi pahenta ha Iblees yahan bhi mustahab ke bad makrooh aur haram ke dewazon ko torker Iman ko berbad ker deta ha aur use baghi bana deta ha. Qeemti malboosat mohayya kerta ha jabki kitne momin aise han jin ko kapra pahenna ke lia nahi unka haq nahi deta phir fakhr o mubahat kerta ha ghuroor o takabbur kerna lagta ha ager kamai kam ho tu rishwat bemani ma mubtila hota ha . 

dusre ke branded kapron ko dekhker hiras lalach ma Iblees dal ker use haram ki taraf maael kerta ha. Isee tarah shandar kothi makan sawarian cars dekhta ha hiras paida hoti ha ki uske pass bhi aisa hi makan car aurton ke pass qeemti zewar malboosat hona chahia makan ki desighning fashion ke aaseb ma mubtila ho jata ha ghareeb nadaron ki taraf se aankhen band ker leta ha. Bulki unka haq bhi ghazb kerna lagta ha. Ab gunahon ki taraf bahut tezi se bhagta ha khud gharzi jaise ummul amraz ma mubtila ho jata ha jo zulm jhoot fareb makkari dagha wada khilafi ghazb gheebat jaise gunahon ko janam deti ha.

Ab uska chotha merhala mustahibbat ke qila ko torna hota ha . Admi luxuries fashion aur uske lia haram ya halal tariqa se mohayya kena ma itna waq deta ha ki mustahibbat chhootne lagte han. Iblees is qila ko bhi tor deta ha .

Ab uska panchwan marhala wajibat ke qila ko torna hota jo uske lia ab bahut aasan ho jata ha . Masroofiat ke sath sath jab Insan Haram kerna lagta ha gunahon ma mubtila hone lagta ha uska dil apne aap wajibat se hatne lagta ha .

wajibat ke qila ke toot-ta hi Insan Allah ki bandigi se nikal jata ha aur kufr ki manzil ma aajata ha . Niza (marta waqt ) Shaitan  bar bar kahta ha ukfur billah kafir ho jao aur woh kafir ho jata ha uske toba ka derwaza bhi band ho jata ha. Iblees ka wada poora ho jata ha. Allah ham ko aise waqt se bachaye aur wilayet e Ali per gamzan ker aur unki parawi ki tofeeq ata ker La Ilaha Illallah Mohammedur Rasoolullah Ali an Waliullah wa khalifatuhu bila fasl

Read More

Haq aaya Batil gaya

1400 baras pehle jab Hamare Pyare Nabi (s) is duniya se rukhsat hue the, us waqt Madine ki galiyo me ek Mard aur ek Aurat ghar ghar ja kar logo ko Khuda ke ek behtarin nizaam “Wilayat” ke baare me yaad dahani kara rahe the, jiske baare me Huzur (s) ne kuch hi dino pehle apne aakhri Hajj se laut te waqt logo ko “Ghadeer” naam ki jagah par jama kar ke bataya tha, aur kaha tha ki agar duniya aur aakhirat me sarbuland rahna chahte ho to Nizaam-e-Wilayat ko mazbooti se thame rahna. Aur kaha ki “Allah tumhara Wali hai, Mai tumhara Wali hu aur mere baad Allah ki janib se Imam Ali (a) tumhare Wali hai”.

Read More